Plantun de Prouvènço

Pèr coumpara dos planto d'encò nostre

Veratrum album & Heliotropium curassavicum

Varaire

Veratrum album

Melanthiaceae

Àutri noum : Veraire, Avarai, Avaraire, Petaire.

Noms en français : Vératre blanc, Hellébore blanc.

Descripcioun :
Lou varaire trachis dins li pesquié e li melounié de mountagno. Es uno grando erbo, forto, emé de gràndi fueio alterno senso pecou. L'enflourejado en grapo sarrado èi coumpausado de flour blanquinouso mens o mai verdo, emé la baso di tepalo pu sourno. Se sias un "gencianaire", avisas vous de lou pas counfoundre emé la genciano que li fueio se sèmblon proun.

Usanço :
Lou varaire es uno planto mourtalo de la racino i grano. Parié qu'Alessandre-lou-Grand fuguè empouisouna em'acò. Paraliso l'esistème nervous, aro se n'en servon soulamen en oumeoupatìo. Emé li racino s'adoubo uno poutingo bono contro li niero o àutri bestiouno.

Port : Grando erbo
Taio : 50 à 200 cm
Fueio : alterno
Tipe bioulougico : Geoufite
Cicle bioulougico : Planto renadivo

Gènre : Veratrum
Famiho : Melanthiaceae

Coulour de la flour : Verdo
Petalo : 5
Ø (o loungour) flour : 1 cm
Flourido : Estiéu

Sòu : Ca
Autour basso e auto : Pancaro entresigna
Aparado : Noun
Remarco :
Juliet à avoust

Liò : Pesquié - Bos clar - Melounié
Estànci : Mountagnard à Aupen
Couroulougi : Éurasiatico
Ref. sc. : Veratrum album L., 1753

Erbo-di-toro(-de-Curaçao)

Heliotropium curassavicum

Boraginaceae

Autre noum : Eliotropo(-de-Curaçao).

Nom en français : Héliotrope de Curaçao.

Descripcioun :
Aquesto erbo-di-toro es uno planto un pau sucouso, verdalo e lignouso à la baso. I'agrado li relarg sala, lis escoumbre e peréu de se faire trepeja ! Nous vèn dis Americo.

Usanço :
Avèn pas trop d'entresigne sus aquelo planto de segur empouisounanto. Escriéure au site se n'en sabès mai.

Port : Pichoto planto lignouso
Taio : Pancaro entresigna
Fueio : alterno
Tipe bioulougico : Camefite
Cicle bioulougico : Planto renadivo

Gènre : Heliotropium
Famiho : Boraginaceae

Coulour de la flour : Blanco
Petalo : 5
Ø (o loungour) flour : Pancaro entresigna
Flourido : Estiéu - Autouno

Sòu : Ca
Autour basso e auto : Pancaro entresigna
Aparado : Noun

Liò : Mar - Escoumbre e proche dis oustau - Sablo
Estànci : Mesoumediterran
Couroulougi : Pancaro entresigna
Ref. sc. : Heliotropium curassavicum L., 1753

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Veratrum album & Heliotropium curassavicum

ges

Coumpara Varaire emé uno autro planto

Coumpara Erbo-di-toro(-de-Curaçao) emé uno autro planto